آئرش شہری نے پانچ دن میں یونی سائیکل پر آئرلینڈ پار کر کے ریکارڈ قائم کردیا

فائل:فوٹو

ڈبلن:ایک آئرش شہری نے 5 دن، 5 گھنٹے اور 23 منٹ میں اپنی ایک پہیے والی سائیکل (یونی سائیکل) پر آئرلینڈ پار کر کے دوسرا گینیز ورلڈ ریکارڈ حاصل کر لیا۔

ایمون کِیونے گینیز ورلڈ ریکارڈز سے گفتگو کرتے ہوئے کہا کہ یونی سائیکل پر سب سے تیزی سے آئرلینڈ پار کرنے کے ٹائٹل نے انہیں اپنی جانب اس لیے مائل کیا کیوں کہ یہ بیک وقت خوف اور مضحکہ خیزی پر مبنی تھا۔

انہوں نے بتایا کہ انہوں نے ٹائٹل حاصل کرنے کے لیے لی جانے والی تربیت سے قبل کبھی بھی یونی سائیکل نہیں چلائی تھی۔ انہوں نے اپنی کوشش کے دوران ہر روز تقریباً 12 گھنٹے سفر کیا۔

ان کا کہنا تھا کہ دن کے آخر میں بعض اوقات یونی سائیکل پر چند میل کا فاصلہ طے کرنا بھی مشکل ہوجاتا تھا۔