میرا پرفیوم اس کے وعدوں کے مقابلے زیادہ دیر تک رہتا ہے، علیزے سلطان

فائل:فوٹو

کراچی:پاکستان شوبز انڈسٹری کے معروف اداکار فیروز خان کی سابقہ اہلیہ علیزے سلطان نے ایک بار پھر اپنے خیالات کے اظہار سے سوشل میڈیا صارفین کی توجہ سمیٹ لی۔

فوٹو اینڈ ویڈیو شیئرنگ پلیٹ فارم انسٹا گرام پر حال ہی میں علیزے سلطان نے اپنا عید لْک صارفین کے ساتھ شیئر کیا اور ساتھ ہی اپنی پوسٹ کے کیپشن میں اپنے خیالات کا بھی اظہار کیا ہے۔

سوشل میڈیا پر شیئر کی گئی تصاویر میں دیکھا جا سکتا ہے کہ انہوں نے بقر عید کے پہلے دن سیاہ ساڑھی کے ساتھ ستاروں کے کام سے تیار کردہ اَپر اور میچنگ اسکاف زیب تن کیا ہے۔

https://www.instagram.com/p/C8Uj0j3o4Q4/?utm_source=ig_embed&ig_rid=8fbd50a4-fdb8-4faa-a025-2e6653e95e15

اس کے ساتھ ہی جس چیز نے صارفین کی توجہ حاصل کی وہ انسٹا پوسٹ میں درج کردہ کیپشن تھا۔

انہوں نے اپنی خوبصورت تصاویر کے ساتھ کیپشن میں لکھا ہے کہ میرا پرفیوم اس کے وعدوں کے مقابلے زیادہ دیر تک رہتا ہے۔اس کے ساتھ ہی انہوں نے سوشل میڈیا صارفین کو عید کی مبارک باد پیش کی اور مذکورہ خوبصورت جوڑے کے ڈیزائنر کو بھی ٹیگ کیا ہے۔

یاد رہے کہ گزشتہ دنوں اداکار فیروز خان نے اپنی دوسری شادی کا اعلان شادی کے موقع پر لی گئی ایک تصویر کے ساتھ کیا تھا، جبکہ مختلف سوشل میڈیا پیجز پر ان کی شادی کی مختلف تصاویر اور ویڈیوز ان کی تصدیق سے پہلے ہی وائرل ہو رہی تھیں۔

ایسے وقت میں علیزے سلطان کا مذکورہ کیپشن سوشل میڈیا صارفین کی توجہ کا مرکز بن گیا ہے، صارفین کے مطابق یہ کیپشن سابقہ شوہر پر طنز ہے۔