ہم اپنے والد عمران خان سے ملنے آنا چاہتے ہیں حکومت ویزا نہیں دے رہی، قاسم خان

فوٹو : فائل

اسلام آباد : پاکستان کے سابق وزیراعظم عمران خان کے بیٹے قاسم کا اہم بیان سامنے آیا ہے جس میں انھوں نے کہا ہے ہم اپنے والد عمران خان سے ملنے آنا چاہتے ہیں حکومت ویزا نہیں دے رہی، قاسم خان کا سماجی رابطے کی ویب سائٹ پر بیان.

پاکستان تحریک انصاف (پی ٹی آئی) کے بانی چیئرمین عمران خان کے صاحبزادے قاسم خان نے کہا ہے کہ وہ اپنے بھائی کے ہمراہ اپنے والد سے ملنے پاکستان سے آنے کیلئے ویزا اپلائی کر چکے ہیں، اب حکومت جان بوجھ کر ہماری ویزا درخواستوں پر کارروائی نہیں کر رہی.

ایک بیان میں قاسم خان نے کہا کہ میرے والد اور بانی پی ٹی آئی 914 دن سے قید تنہائی میں ہیں، ان کی صحت بگڑ رہی ہے، انہیں آزاد طبی سہولت تک رسائی نہیں دی جارہی ہے۔

قاسم خان نے مزید کہا کہ قیدی کو علاج سے محروم رکھنا ظلم ہے، بچوں کو والد سے ملنے سے روکنا اجتماعی طور پر سزا دینے کے مترادف ہے۔

https://

My brother and I are trying to travel to Pakistan to see our father. For 914 days, he has been held in solitary confinement while his health deteriorates and he is denied access to independent medical care.

Now the government is deliberately refusing to process our visas.… pic.twitter.com/L23ZRmRDZj

— Kasim Khan (@Kasim_Khan_1999) February 4, 2026

انہوں نے یہ بھی کہا کہ انسانی حقوق کی بین الاقوامی تنظیموں اور حکومتوں سے مطالبہ کرتا ہوں کہ ناقابل تلافی نقصان سے پہلے اس معاملے پر آواز اٹھائیں.

ایکس پر جاری بیان میں قاسم خان نے کہا کہ ان کے والد عمران خان کو علاج سے محروم رکھنا ظلم ہے جبکہ بچوں کو اپنے والد سے ملنے سے روکنا اجتماعی سزا کے مترادف ہے۔

قاسم خان نے عالمی انسانی حقوق کی تنظیموں اور مختلف ممالک کی حکومتوں سے اپیل کی ہے کہ وہ اس معاملے پر آواز بلند کریں اور بروقت مداخلت کریں تاکہ عمران خان کو مناسب طبی سہولیات فراہم کی جا سکیں اور اہلخانہ کو ملاقات کی اجازت مل سکے۔