چینی ساختہ ونگ ڈرون 15 نے طویل فاصلے کی پہلی لاجسٹک پرواز مکمل کرلی

فوٹو: شنہوا

: چینی ساختہ ونگ ڈرون 15 نے طویل فاصلے کی پہلی لاجسٹک پرواز مکمل کرلی، 14 جنوری 2026 کوچین کے نئینگ چی

تیارکردہ فکسڈ کردہ ونگ ڈرون نےسیچوان اور شی زانگ کے درمیان پہاڑی علاقے میں طویل پرواز مکمل کی۔

اس حوالے سے پیپلز ڈیلی آن لائن کی رپورٹ میں بتایا گیا ہے کہ ٹورس، ایف پی 985 نے جنوب مغربی چین کے خود اختیار علاقے شی زانگ کے شہر نئینگ چی میں یہ پرواز کی۔

مقامی مصنوعات جیسے کہ مکھن والی چائے اور یاک کی ڈیری مصنوعات سے بھرے اس بڑے ڈرون نے شی زانگ خود اختیار علاقے کے شہر نئینگ چی سے صوبہ سیچوان کی خود اختیار کاونٹی بئے چھوان چھیانگ تک 1,100 کلومیٹر سے زائد کا سفر طے کیا، جو پہاڑی علاقے میں بڑے ڈرون کے لیے ملک کی پہلی کامیاب لاجسٹک ویلیڈیشن پرواز ہے۔

رپورٹ کے مطابق ایرو سپیس ٹائمز فئیپنگ کمپنی لمیٹڈ کے تیار کردہ، یہ ڈرون انتہائی بلند علاقوں مثلاً ہمالیائی خطے ، جزائر اور جغرافیائی طور پر دیگر پیچیدہ علاقوں میں کام کرنے کے لیے ڈیزائن کیا گیا ہے۔

اس کا زیادہ سے زیادہ ٹیک آف وزن 5.7 ٹن ہے،لوڈ کی گنجائش 2 ٹن سے زیادہ ہے جب کہ حدِ پرواز 2,000 کلومیٹر سے زائد ہے۔ کمپنی کے مطابق ،یہ ڈرون ایئر کرافٹ ہر موسم میں آپریشنز کو بلا تعطل جاری رکھنے کی صلاحیت رکھتا ہے کیونکہ اس میں اینٹی آئسنگ/ڈی آئسنگ، آسمانی بجلی سے تحفظ اور تیز ہوا کے خلاف مزاحمت جیسی خصوصیات شامل ہیں۔

متعلقہ حکام کا کہنا ہے کہ اس کامیاب پرواز سے ، سیچوان اورشی زانگ میں کم بلندی کے لاجسٹکس کی ترقی میں اضافہ ہوگا، زرعی مصنوعات کی نقل و حمل آسان ہو گی، مغربی چین میں علاقائی اقتصادی ترقی کو فروغ ملے گا اور ہنگامی رد عمل کی صلاحیتوں کو بہتر بنانے میں مدد ملے گی۔