چیمپئنز ٹرافی، بھارت کیخلاف سیمی فائنل سے قبل آسٹریلوی ٹیم کو بڑا دھچکا

فائل:فوٹو
دبئی: آئی سی سی چیمپئنز ٹرافی میں بھارت کیخلاف سیمی فائنل سے قبل آسٹریلوی ٹیم کو بڑا دھچکا لگ گیا۔

رپورٹس کے مطابق جارح مزاج آسٹریلوی اوپنر میتھیو شارٹ افغانستان کے خلاف میچ میں گھٹنے کی انجری کا شکار ہوئے تھے جس کے باعث اب وہ ایونٹ سے باہر ہو گئے ہیں اور بھارت کیخلاف سیمی فائنل میں دستیاب نہیں ہوں گے۔
ذرائع کی جانب سے بتایا گیا ہے کہ آسٹریلیا نے میتھیو شارٹ کی جگہ کوپر کونلی کو پلیئنگ الیون میں شامل کیا گیا ہے، 21سالہ کوپر کونولی 3 ایک روزہ میچز میں آسٹریلیا کی نمائندگی کر چکے ہیں۔
آئی سی سی کی ایونٹ ٹیکنِیکل کمیٹی کی جانب سے بھی آسٹریلوی سکواڈ میں تبدیلی کی منظوری دے دی گئی ہے۔
خیال رہے کہ آسٹریلیا اور بھارت کے درمیان آئی سی سی چیمپئنز ٹرافی کا پہلا سیمی فائنل 4 مارچ کو دبئی میں کھیلا جائے گا۔