ٹوئنٹی ٹرائی نیشن سیریز، سری لنکا پاکستان کو ہرا کر فائنل میں پہنچ گیا

فوٹو : کرک انفو

راولپنڈی : ٹوئنٹی ٹرائی نیشن سیریز، سری لنکا پاکستان کو ہرا کر فائنل میں پہنچ گیا،بابراعظم پھر ٹانگ پر بال کھا کر صفر کی خفت سے گزرے،کپتان سلمان علی آغا ففٹی رائیگاں گئی، چمیرا نے آخری اوور 10 رنز نہیں بنانے دئیے اور صرف 3 رنز دے جیت اپنے نام کی.

آخری اوور کی پہلی بال سلمان علی آغا نے ڈاٹ کھیلی دوسری پہ سنگل کرکے نان اسٹرائیکر اینڈ سنبھال لیا اور وہیں کھڑے فہم اشرف اور وسیم جونیئر کی بے بسی کا تماشہ دیکھتے شکست کو ساتھ لے واپس لوٹ آئے.

آخری لیگ میچ میں سری لنکا نے پاکستان کو 6 رنز سے شکست دے دی۔ فائنل ہفتے کو پاکستان اور سری لنکا کے درمیان کھیلا جائے گا، اس سے پہلے راولپنڈی میں کھیلے جارہے میچ میں پاکستان نے ٹاس جیت کر سری لنکا کو بیٹنگ کی دعوت دی۔

سری لنکن اوپنر پاتھم نسانکا 8 رنز بناکر آوٹ ہوگئے، دوسری وکٹ کمل مشارا اور کوشل مینڈس نے 66 رنز کی شراکت لگائی۔ مینڈس 40 رنز بناکر آؤٹ ہوئے جبکہ مشارا نے 76 رنز بنائے۔ لیاناگے 24 رنز بناکر ناٹ آؤٹ رہے، سری لنکا نے پانچ وکٹ پر 184 رنز اسکور کئے۔

پاکستان کی طرف سے ابرار احمد سب سے کامیاب بولر رہے، انہوں نے دو کھلاڑیوں کو آؤٹ کیا، ہدف کے تعاقب میں پاکستان کا آغاز اچھا نہ رہا، پاور پلے میں صرف 45 رنز بنے اور اسکے 4 کھلاڑی پویلین لوٹ گئے۔

صاحبزادہ فرحا ن 9، بابر اعظم صفر، فخر زمان ایک اور صائم ایوب 27 رنز بناسکے،اس کے بعد کپتان سلمان علی آغا اور عثمان خان نے اسکور 99 تک پہنچایا۔ عثمان خان 33 رنز بناکر آؤٹ ہوئے۔ محمد نواز نے جارحانہ انداز اپنایا اور صرف 16 گیندوں پر 27 رنز کی اننگز کھیل کر پاکستان کو میچ میں واپس لے آئے.

آخری اوور میں ٹیم کو 10 رنز درکار تھے، آخری اوور کی پہلی بال سلمان علی آغا نے ڈاٹ کھیلی دوسری پہ سنگل کرکے نان اسٹرائیکر اینڈدشمانتھا چمیرا نے3رنز دیکر فہیم اشرف کی وکٹ حاصل کی پھر آخری بال وسیم جونیئر نے ڈاٹ کھیلی اور پاکستان 6 رنز سے ہار گیا.

پاور پلے میں بیٹنگ کیلئے میدان میں اُترنے والے سلمان علی آغا 63 رنز بناکر ناٹ آؤٹ رہے تاہم اپنی ٹیم کو فتح نہ دلا سکے. سری لنکا کی طرف سے دشمانتھا چمیرا نے 4 کھلاڑیوں کو آؤٹ کیا۔ عمدہ بولنگ پر انہیں پلیئر آف دی میچ قرار دیا۔

پاکستان کی شکست کے ساتھ زمبابوے کا فائنل میں پہنچنے کا خواب ٹوٹ گیا، اب
ٹرائی نیشن سیریز کا فائنل ہفتے کو پاکستان اور سری لنکا کے درمیان کھیلا جائےگا.

پاکستان کا ٹرائی نیشن سیریز میں سری لنکا کیخلاف پہلے فیلڈنگ کا فیصلہ

فوٹو : پی سی بی

راولپنڈی : پاکستان کا ٹرائی نیشن سیریز میں سری لنکا کیخلاف پہلے فیلڈنگ کا فیصلہ، سہ ملکی ٹی 20 سیریز کے چھٹے میچ میں سری لنکا کو آج جیت درکار ہے فائنل کھیلنے کے لیے ورنہ بات زمبابوے کے ساتھ رن اوسط پرکھنے پر چلی جائے گی.

راولپنڈی کرکٹ اسٹیڈیم میں کھیلے جارہے میچ میں پاکستان نےجیت کر پہلے فیلڈنگ کرنے کا فیصلہ کیا ہے۔

قومی اسکواڈ میں 2 تبدیلیاں کی گئی ہیں، اسپنر عثمان طارق اور نسیم شاہ کو آرام دیا گیا جب کہ فاسٹ باؤلر سلمان مرزا اور ابرار احمد کی فائنل الیون میں واپسی ہوئی ہے۔

کپتان سلمان علی آغا نے ٹاس کے موقع پر کہا کہ جیت کا تسلسل برقرار رکھنے کی کوشش کریں گے، پنڈی اسٹیڈیم کی پچ باؤلنگ اور بیٹنگ کے لیے ساز گار لگ رہی ہے۔

پاکستان کی پلیئنگ الیون

سلمان علی آغا کی قیادت میں صائم ایوب، بابر اعظم، صاحب زادہ فرحان اور عثمان خان ٹیم میں شامل ہیں، فخر زمان، محمد نواز، فہیم اشرف، وسیم جونیئر، سلمان مرزا اور ابرار احمد بھی پلیئنگ الیون کا حصہ ہیں۔

سری لنکا کو فائنل مقابلے میں رسائی یقینی بنانے کے لیے میچ میں پاکستان کو شکست دینی ہوگی، شکست کی صورت میں لنکن ٹائیگرز اور زمبابوے میں سے بہتر رن ریٹ کی حامل ٹیم فائنل میں پاکستان کا مقابلہ کرے گی۔