پاکستان پہلے ٹیسٹ میچ کے دوسرے دن مشکلات کا شکار، 88 رنز پر 3 کھلاڑی آؤٹ

فوٹو : فائل

سنچورین : پاکستان پہلے ٹیسٹ میچ کے دوسرے دن مشکلات کا شکار، 88 رنز پر 3 کھلاڑی آؤٹ ہو گئے ہیں اور ابھی پہلی اننگز کا 2 رنز کا خسارہ باقی ہے، بابراعظم 12 اور سعود شکیل 8 رنز کے ساتھ کریز پر موجود ہیں۔

سنچورین میں کھیلے جارہے میچ کے دوسرے دن پاکستان کے آؤٹ ہونے والے کھلاڑیوں میں کپتان شان مسعود اور صائم ایوب 28،28 جبکہ کامران غلام 4 رنز بناکر پویلین لوٹ گئے۔جنوبی افریقا کے ماریویانسن نے 2 اور کگیسوربادا نے 1 وکٹ اپنے نام کی۔

اس سے قبل دوسرے روز جنوبی افریقا کی ٹیم اپنی پہلی اننگز میں 301 رنز بناکر آؤٹ ہوگئی، میزبان ٹیم نے پاکستان کے خلاف 90 رنز کی برتری حاصل کی۔

جنوبی افریقا کی طرف سے اوپنر ایدن مارکرم 89، کپتان ٹمبابا ووما 31، ڈیوڈ بیڈنگھم 30،ڈین پیٹرسن 12، کگیسو ربادا 13، ٹرسٹن اسٹبس 9 ریان ریکلٹن 8 بناکر پویلین لوٹ گئے۔

کوربن بوشن نے 81 رنز کی ناقابل شکست اننگز کھیلی جبکہ ٹونی ڈی زورزی، کائیل وررینے اور مارکو یانسن2، 2 رنز بناکر آؤٹ ہوئے۔

پاکستان کے نسیم شاہ اور خرم شہزاد نے 3، 3، عامر جمال نے 2 جبکہ محمد عباس اور صائم ایوب نے 1،1 وکٹ اپنے نام کی۔

پہلے ٹیسٹ کے پہلے روز کھیل کے اختتام پر جنوبی افریقا نے پہلی اننگز میں 3 وکٹ پر 82 رنز بنائے تھے، پاکستان کی ٹیم اپنی پہلی اننگز میں 211 رنز بنا کر آل آؤٹ ہوگئی تھی.