سعودی عرب سے اظہار یکجہتی، یمن میں یکطرفہ اقدامات کی سخت مخالفت کرتے ہیں، پاکستان

فوٹو : فائل

اسلام آباد: سعودی عرب سے اظہار یکجہتی، یمن میں یکطرفہ اقدامات کی سخت مخالفت کرتے ہیں، پاکستان نے یمن میں دوبارہ تشدد بڑھنے پر گہری تشویش کا اظہار کرتے ہوئے یمن کے اتحاد اور علاقائی سالمیت کی مکمل حمایت کا اعادہ کیا ہے۔

یمن کے حوالے سے ترجمان دفترخارجہ کا کہنا ہےکہ یمن میں پائیدار امن و استحکام کے لیے ہونے والی تمام کوششوں کی حمایت کرتے ہیں۔ ہم یمن کے کسی بھی فریق کی جانب سے یکطرفہ اقدامات کی سخت مخالفت کرتے ہیں۔

ترجمان نے کہا کسی بھی فریق کے یکطرفہ اقدامات صورتحال کو مزید کشیدہ، امن کوششوں کو نقصان اور خطے کا امن خطرے میں ڈال سکتے ہیں۔

بیان میں کہا گیا ہے کہ پاکستان نے یمن میں کشیدگی کم کرنے اور امن برقرار رکھنےکے لیے علاقائی کوششوں کا خیرمقدم کرتے ہوئے سعودی عرب سے مکمل یکجہتی کا اظہار کرتے ہوئے مملکت کی سلامتی سے وابستگی کو دہرایا ہے۔

https://https://x.com/i/status/2006352382582772019

ترجمان دفترخارجہ کے مطابق سعودی عرب کی سکیورٹی پاکستان کے لیے اہم ہے، ہر ممکن تعاون جاری رہےگا، پاکستان سعودی عرب سے مکمل یکجہتی کا اظہار کرتا ہے۔

ترجمان دفترخارجہ کا کہنا ہے کہ یمن مسئلے کے حل کے لیے مکالمے اور سفارت کاری کی بنیاد پر راستہ اختیار کیا جائے۔ امید ہے یمن کے عوام اور علاقائی طاقتیں مل کر جامع اور دیرپا حل کی طرف بڑھیں گی، یمن میں پائیدار تصفیہ خطے کے استحکام کے تحفظ کے لیے ضروری ہے۔