فوٹو : پی آر
اسلام آباد : رکن قومی اسمبلی سیدہ آمنہ بتول فیفا کا ادارہ جاتی اصلاحات کمیٹی میں تقرر کیا گیا ہے، ان کی تقرری پاکستان کے لیے سفارتی اور کھیلوں کے میدان میں ایک اہم پیش رفت اور پاکستان کے لیے کھیل کے میدان میں ایک تاریخی سنگِ میل ہے.
سیدہ آمنہ بتول اس وقت تک فیفا کی مختلف کمیٹیوں میں پاکستان کی واحد نمائندہ ہیں، تقرری موجودہ حکومت کی فٹبال کیلئے مسلسل اور سنجیدہ کوششوں کے باعث ہوئی ہے.
وزیرِ اعظم نے حال ہی میں ایشین فٹ بال کنفیڈریشن کے صدر اور فیفا کے سینئر نائب صدر، شیخ سلمان بن ابراہیم آل خلیفہ سے ملاقات کی تھی، جس میں ایک خودمختار اور شفاف فٹ بال فیڈریشن، ملک گیر فٹ بال کی ترقی، اور بین الاقوامی فٹ بال ایونٹس کی میزبانی کے عزم کی توثیق کی گئی.
ماضی میں پاکستان فٹ بال فیڈریشن (پی ایف ایف) غیر ضروری مداخلت کے باعث غیر فعال رہی اور بین الاقوامی پابندیوں کا سامنا کرنا پڑا، گزشتہ چھ ماہ کے دوران پی ایف ایف کے صدر سید محسن گیلانی نے ملکی اور بین الاقوامی سطح پر فیڈریشن کی بحالی اور بہتری کے لیے قابلِ ذکر کوششیں کی ہیں.
فیفا میں محترمہ آمنہ بتول کا کردار ادارہ جاتی اصلاحات کے نظام کو مضبوط بنانے، مؤثر عمل درآمد یقینی بنانے پر مرکوز رہے گا، اس سے پاکستان بھی تعمیری کردار ادا کر سکے گا.
Comments are closed.