جنوبی افریقہ نے پاکستان کو 8 وکٹوں سے ہرا کر ٹیسٹ سیریز برابر کردی

فوٹو : سوشل میڈیا

راولپنڈی : جنوبی افریقہ نے پاکستان کو 8 وکٹوں سے ہرا کر ٹیسٹ سیریز برابر کردی، راولپنڈی ٹیسٹ کے چوتھے روز جنوبی افریقہ نے پاکستان کو شکست دی۔ جس کے بعد ٹیسٹ سیریز 1-1 سے برابر ہوگئی۔

پنڈی کرکٹ اسٹیڈیم میں کھیلے گئے دوسرے ٹیسٹ میچ میں آج چوتھے روز کے آغاز سے ہی قومی ٹیم کے بیٹرز ایک کے بعد ایک وکٹیں گنواتے رہے، اور پوری ٹیم 138 رنز پر ڈھیر ہوگئی۔

پاکستان کی جانب سے بابراعظم 50،محمدرضوان 18 رنز بناسکے، سعودشکیل 11،امام الحق 9، عبداللہ شفیق 6رنزبناسکے۔ شان مسعود،نعمان علی،شاہین آفریدی صفرپرآؤٹ ہوئے۔ افریقی اسپنرسیمون ہارمر نے 6 کھلاڑیوں کو آؤٹ کیا۔

جواب میں مہمان ٹیم نے 68 رنز کا ہدف آسانی سے حاصل کرتے ہوئے میچ اپنے نام کرلیا اور 2 ٹیسٹ میچوں پر مشتمل سیریز بھی 1-1 سے برابر کردی۔

پنڈی کرکٹ اسٹیڈیم کی پچ اسپنرز کے لیے سازگار تھی جس کا جنوبی افریقی اسپن اٹیک نے خوب فائدہ اٹھایا اور میچ جیتنے میں اہم کردار ادا کیا۔ پروٹیز اسپنرز نے مجموعی طور پر میچ میں 17 وکٹیں حاصل کیں۔

یاد رہے کہ پاکستان نے پہلی اننگز میں 333 بنائے تھے جس کے جواب میں مہمان ٹیم 404 رنز بناکر آوٹ ہو گئی تھی اور اسے میچ میں 71 رنز کی برتری بھی حاصل ہوگئی تھی۔

راولپنڈی : راولپنڈی ٹیسٹ دوسرا روز، پاکستان 333 رنز پر آوٹ،افریقہ کی 185 پر 4 وکٹیں گر گئیں سٹیبز 68 اور کیل ویرینی 10 رنز بنا کر کھیل رہے ہیں، ڈی سوزی 55 رنز بنا کر آوٹ ہوئے ، شاہین شاہ نے ریکیلٹن کو رضوان کی مدد سے آوٹ کیا.

پاکستان کی طرف سے 2 وکٹیں آصف آفریدی نے حاصل کیں، ایک شاہین اور ایک ساجد خان کے حصے میں آئی، دوسرے دن کھیل کے اختتام تک پاکستان کو 148 رنز کی ابھی برتری حاصل تھی. 

کل کے ناٹ آوٹ سعود شکیل 66 اور سلمان علی آغا 45 رنز بنا کر آوٹ ہوئے اس کے بعد ٹیل اینڈرز زیادہ مزاحمت نہ کر سکے. 

 پہلے دن جنوبی افریقہ کیخلاف لنچ تک ایک وکٹ پر 95 رنز تھے ، امام الحق ففٹی بنا کر آوٹ ہؤئے،شان مسعود نے 87 رنز کی اننگز کھیلی،بابر 16،رضوان 19 رنز پر آوٹ ہوئے.

دوسرے اور آخری ٹیسٹ میچ میں پاکستان نے ٹاس جیت کر بیٹنگ کا فیصلہ کیا.راولپنڈی میں کھیلے جانے والے میچ میں پاکستان کی پہلی وکٹ 35 رنز پر گرگئی، اوپنر امام الحق 17 رنز بناکر آصف اسپنر ہارمر کی گیند پر کلین بولڈ ہوگئے۔

پاکستان نے میچ میں ایک تبدیلی کرتے ہوئے حسن علی کی جگہ تیسرے اسپنر آصف آفریدی کو کھلانے کا فیصلہ کیا،جبکہ جنوبی افریقہ کی ٹیم میں دو تبدیلیاں کی گئی ہیں، اور ویان ملڈر اور پرینیلائن سبرائن کی جگہ مارکو جینسن اور کیشو مہاراج کی واپسی ہوئی ہے۔

آصف آفریدی دوسرے عمر رسیدہ ترین ڈیبیوٹنٹ

آصف آفریدی پاکستان کی جانب سے ڈیبیو کرنے والے دوسرے عمر رسیدہ کھلاڑی بن گئے ہیں جنہیں نے 38 سال 299 دن کی عمر میں ڈیبیو کرنے کا اعزاز حاصل ہوا ہے، پاکستان کی جانب سے ڈیبیو کرنے والے عمر رسیدہ ترین کھلاڑی میراں بخش تھے جنہوں نے 47 سال 284 دن کی عمر میں پہلا ٹیسٹ کھیلا تھا۔

پاکستان کی پلیئنگ الیون

پاکستانی ٹیم عبداللہ شفیق، امام الحق، کپتان شان مسعود، بابر اعظم، سعود شکیل، محمد رضوان، سلمان علی آغا، نعمان علی، ساجد خان، آصف آفریدی اور شاہین شاہ آفریدی پر مشتمل ہے۔