جب تک عظیم مائیں ملک پر بچے نچھاور کرتی رہیں،ہمیں کوئی نقصان نہیں پہنچا سکتا، آرمی چیف

فوٹو : آئی ایس پی آر

راولپنڈی :آرمی چیف جنرل سید عاصم منیرنے کہا کہ دہشت گردی کے پیچھےایک منظم غیر قانونی سپیکٹرم ہے جسکی پشت پناہی کچھ مخصوص عناصر کرتے ہیں، جب بھی ریاست ان پر ہاتھ ڈالتی ہے تو آپکو انکے جھوٹے بیانیوں کی آواز سنائی دیتی ہے.

آئی ایس پی آر سے جاری اعلامیہ کے مطابق
چیف آف آرمی سٹاف جنرل سید عاصم منیر نے بہاولپور میں طلبہ سے بات چیت کرتے ہوئے کہا کہ پاکستان اللہ پاک کا عطا کردہ ایک انمول تحفہ ہے جسکواللّٰہ نے بہت سی نعمتوں سے نوازاہے.

ہمیں کبھی بھی اپنے عقیدہ، اسلاف اور معاشرتی اقدار کو نہیں بھولنا چاہئیے، ملکی ترقی کے لئے ہم میں سے ہر کسی نے اپنے حصے کی شمع جلانی ہے اور بلاوجہ تنقید کی بجائے اپنی توجہ خود کی کارکردگی اور فرائض پر مبذول رکھنی ہے۔

آرمی چیف نے کہا کہ جب تک عظیم مائیں ملک پر بچے نچھاور کرتی رہیں،ہمیں کوئی نقصان نہیں پہنچا سکتا، آرمی چیف کا کہنا تھا کہ یہ قوم بالخصوص نوجوان اپنی افواج کے شانہ بشانہ کھڑے رہیں گے تو کوئی بھی ہمیں نقصان نہیں پہنچا سکتا۔

جنرل عاصم منیر نے کہا کہ دہشت گردی کے پیچھےایک منظم غیر قانونی سپیکٹرم ہے جسکی پشت پناہی کچھ مخصوص عناصر کرتے ہیں، جب بھی ریاست ان پر ہاتھ ڈالتی ہے تو آپکو انکے جھوٹے بیانیوں کی آواز سنائی دیتی ہے.