فوٹو : سوشل میڈیا
ہرارے: انڈر19 ٹرائی نیشن سیریز، پاکستان 354 رنز کا ہدف دے کر بھی نہ جیت سکا، زمبابوے کی بیٹنگ شروع ہونے سے پہلے شروع ہونے والی بارش نے بقیہ میچ دھو ڈالا اور یوں میزبان ٹیم کے باولرز کی دھلائی کے باوجود انھیں ایک پوائنٹ مل گیا.
ہرارے اسپورٹس کمپلیکس میں کھیلے جارہے میچ میں زمبابوے نے ٹاس جیت کر پاکستان کو پہلے بیٹنگ کرنے کی دعوت دی،پاکستان نے مقررہ 50 اوورز میں 7 وکٹوں کے نقصان پر 354 رنز بنائے۔
پاکستان کی جانب سے سمیر منہاس نے ایک بار پھر شاندار بیٹنگ کا مظاہرہ کرتے ہوئے 142 بنائے ،عثمان خان نے بھی 121 رنز کی شاندار اننگز کھیلی، حذیفہ احسن نے 54 رنز بنائے۔
میزبان زمبابوے کی جانب سے کربی مدھارامیتے نے 3، پناشی مزئی نے 2 بینی زوزی اور دھروو پٹیل نے ایک ایک وکٹ حاصل کی۔
بارش کے باعث زمبابوے کی ٹیم ہدف کے تعاقب میں بیٹنگ کا آغاز نہ کرسکی جس کے باعث میچ کو بغیر نتیجہ ختم کرکے دونوں ٹیموں کو ایک ایک پوائنٹ دے دیا گیا.
Comments are closed.