انڈر19 ورلڈ کپ اور سہ فریقی سیریز کیلئے پاکستان کے سکواڈ اعلان کر دیا گیا

فوٹو : پی سی بی

اسلام آباد : انڈر19 ورلڈ کپ اور سہ فریقی سیریز کیلئے پاکستان کے سکواڈ اعلان کر دیا گیا، ایشیاء کپ کھیلنے والی ٹیم کے بیشتر کھلاڑیوں کو ہی برقرار رکھا گیا ہے.

پی سی بی کی طرف سے اعلان کردہ پاکستان کی انڈر 19 ٹیم میں فرحان یوسف کو ہی دونوں ایونٹس میں قیادت جاری رکھنے کی ذمہ داری سونپی گئی ہے۔

انڈر19 سہ ملکی سیریز زمبابوے میں 25 دسمبر 2025 سے 6 جنوری 2026 تک پاکستان، افغانستان اور میزبان زمبابوے کے درمیان کھیلی جائے گی۔

آئی سی سی انڈر 19 ورلڈ کپ 15 جنوری سے 6 فروری تک نمیبیا اور زمبابوے میں کھیلا جائے گا۔دونوں ٹورنامنٹس 50 اوور فارمیٹ میں کھیلے جائیں گے۔

انڈر 19 ایشیا کپ کھیلنے والی پاکستان انڈر 19 کی ٹیم میں صرف ایک تبدیلی کی گئی ہے۔ محمد حذیفہ کی جگہ عمر زیب کو ٹیم میں شامل کیا گیا ہے۔پاکستان انڈر 19 ٹیم سہ ملکی سیریز میں کم از کم چار میچز کھیلے گی۔

پاکستان انڈر 19 سکواڈ:

فرحان یوسف (کپتان)، عثمان خان (نائب کپتان)، عبدالسبحان، احمد حسین، علی حسن بلوچ، علی رضا، دانیال علی خان، حمزہ ظہور، حذیفہ احسن، عمر زیب، مومن قمر، محمد صیّام، محمد شایان، نقاب شفیق اور سمیر منہاس شامل ہیں، حزیفہ کو نکالنے کی وجہ سامنے نہیں آئی.