بھارتی پولیس اہلکار کی ناقص کھاناملنے پر دہائیاں ،ویڈیو وائرل

ممبئی :بھارتی پولیس اہلکار اپنے محکمے کی جانب سے ملنے والے کھانے پر زارو قطار روپڑا ۔ ویڈیو سوشل میڈیا پر وائرل ہوگئی۔

سوشل میڈیا پر بھارتی پولیس اہلکار منوج کمار کی ایک ویڈیو وائرل ہورہی ہے جس میں اسے ڈیوٹی پر تعینات اہلکاروں کو دیے جانے والے کھانے پر دہائیاں دیتے دیکھا جاسکتا ہے۔

وائرل ویڈیو میں کانسٹیبل منوج کمار کو ہاتھ میں کھانے کی پلیٹ لیے زارو قطار روتے دیکھا جاسکتا ہے جس میں سوکھی روٹیاں اور دال دیکھی جاسکتی ہے۔

'सरकार हमसे 12-12 घंटे काम कराती है और बदले में ऐसा खाना देती है'

– फिरोजाबाद में तैनात UP पुलिस के सिपाही मनोज कुमार के ये आंसू बताने के लिए काफी है कि प्रधानमंत्री 18-18 घंटे किन 2 लोगों के लिए काम कर रहे है और बाकियों का क्या हाल है pic.twitter.com/RdMtxRKsvo

— Indian Youth Congress (@IYC) August 10, 2022

منوج کمار کا کہنا تھا کہ اسے دئیے جانے والے کھانے کا معیار اتنا خراب ہے کہ اسے کتے بھی نہیں کھاسکتے جس کی شکایت اس نے اعلیٰ حکام سے بھی کی لیکن اس کی دہائی سننے والا کوئی نہیں بلکہ اس کے برعکس اس پر دباوٴ ڈالا گیا‘۔

وائرل ویڈیو میں بھارتی پولیس اہلکار نے کہا کہ جب اس معاملے کی شکایت ڈی جی پی سے کرنے کی کوشش کی گئی تو ان کے پی ایس او نے انہیں فون کاٹنے کا مشورہ دیا بصورت دیگر نوکری سے نکالنے کی دھمکی دی گئی۔

دوسری جانب ریزرو پولیس لائنز کے حکام نے غلطی تسلیم کرنے کے بجائے منوج کمار کی ویڈیو کو ڈرامہ قرار دیتے ہوئے کہا کہ منوج طلاق کے بعد پریشان ہیں۔تاہم ویڈیو وائرل ہونے کے بعد فیروزآباد پولیس نے کھانے کے معیار کی تحقیقات کا حکم دے دیا۔