عمران نیازی خود کو بے وقوف بنا سکتے ہیں قوم کو نہیں، وزیراعظم شہبازشریف

اسلام آباد:وزیراعظم شہباز شریف کا کہنا ہے عمران نیازی نےعسکری قیادت کےلئے کتنے القابات استعمال کئے، وزیراعظم نے کہا پچھلے چار مہینوں میں پوری قوم نے دیکھا ہے یہ سب کچھ۔

وزیراعظم شہبازشریف نےٹوئٹر پر بیان میں کہاان کے سوشل میڈیا ٹرولز نےافواج کے خلاف نفرت سے بھرپور ٹرینڈز چلائے۔ کیا شہداءکے خاندان یہ سب بھول جائیں گے؟

انھوں نے کہا عمران نیازی خود کو بے وقوف بنا سکتے ہیں قوم کو نہیں، وزیراعظم شہبازشریف نے کہا قوم پچھلے چار مہینوں سے دیکھ رہی ہے۔

پچھلے چار مہینوں میں پوری قوم نے دیکھا کہ عمران نیازی نے افواج پاکستان کی قیادت کے خلاف کس طرح کے القابات استعمال کیے۔ان کے سوشل میڈیا ٹرولز نےافواج کے خلاف نفرت سے بھرپور ٹرینڈز چلائے۔ کیا شہداءکے خاندان یہ سب بھول جائیں گے؟

نیازی خود کو بے وقوف بنا سکتے ہیں، قوم کو نہیں۔

— Shehbaz Sharif (@CMShehbaz) August 10, 2022

اس سے قبل عمران خان کا کہنا تھا کہ پی ٹی آئی اور فوج کو لڑانے کی کوشش کی جارہی ہے اور سازش کی جارہی ہے کہ ملک کی سب سے بڑی جماعت کو فوج سے لڑایا جائے۔

عمران خان کا کہنا تھا کہ یہ سب سے زیادہ کہتے تھے کہ عمران خان فوج کی کٹھ پتلی ہے، بھارت کہتا تھا عمران خان فوجی پتلا ہے، بھارت کو تکلیف تھی کہ فوج اور حکومت ایک پیج پر ہے۔

انہوں نے کہا کہ ایک پارٹی جو پورے پاکستان سے ووٹ لے کر اقتدار میں تھی اگر ایسی پارٹی کو فوج کے لڑوایا گیا تو اس کے خطرناک نتائج ہوں گے جو ملک کے مفاد میں نہیں ہے۔

چیئرمین پی ٹی آئی نے یہ بھی کہا تھا کہ تحریک انصاف کو فوج سے لڑانے کی کوشش سازش رجیم چینج کا حصہ اور پلان بی ہے ،کیونکہ قوم جانتی ہے کس نے فوج مخالف بیانات دیئے۔