وزیراعظم اور آرمی چیف کی گولڈ میڈل جیتنے پر ارشد ندیم کو مبارک باد

اسلام آباد:وزیراعظم اور آرمی چیف کی گولڈ میڈل جیتنے پر ارشد ندیم کو مبارک بادوزیراعظم شہباز شریف نے پاکستانی ایتھلیٹ ارشد ندیم کو گولڈ میڈل جیتنے پر مبارکباد پیش کی ہے۔

سماجی رابطوں کی ویب سائٹ ٹوئٹر پر ایک ٹویٹ میں وزیراعظم نے کامن ویلتھ یمز میں ارشد ندیم کو جیولین تھرو کے فائنل میں گولڈ میڈل حاصل کرنے پر مبارک باد دیتے ہوئے کہا کہ آج صبح بیدار ہوتے ہی بہت خوشی کی خبر سنی۔

What an amazing news to wake up to early this morning! Arshad Nadeem has done Pakistan proud by winning the first gold medal in Commonwealth Games. His consistency, passion & hard work hold lessons for our youth. Congratulations Arshad on your brilliant achievement.

— Shehbaz Sharif (@CMShehbaz) August 8, 2022

وزیراعظم نے کہا کہ ارشد ندیم نے کامن ویلتھ گیمز میں پہلا گولڈ میڈل جیت کر پاکستان کا سر فخر سے بلند کر دیا ہے۔ ارشد ندیم کی مستقل مزاجی، جذبہ اور محنت ہمارے نوجوانوں کے لیے سبق آموز ہے۔

وزیراعظم شہباز شریف نے شاندار کامیابی پر ارشد ندیم کو مبارک باد بھی پیش کی۔

آرمی چیف جنرل قمر جاوید باجوہ نے بھی کامن ویلتھ گیمز میں گولڈ میڈل حاصل کرنے پر ارشد ندیم کو مبارک باد دی ہے اور کہا ہے پوری قوم کو آپ پر فخر ہے۔