اکشے کمار بھارت میں سب سے زیادہ ٹیکس ادا کرنے والے اداکار

ممبئی: بالی ووڈ کے سپر اسٹار اکشے کمار بھارت میں سب سے زیادہ ٹیکس ادا کرنے والے اداکار بن گئے ۔

میڈیا رپورٹ کے مطابق اکشے انٹرٹینمنٹ انڈسٹری کی سب سے زیادہ ٹیکس ادا کرنے والی واحد شخصیت ہیں۔ دیانت داری سے ٹیکس ادا کرنے پر انکم ٹیکس ڈیپارٹمنٹ نے انہیں خصوصی سرٹیفکیٹ سے نوازا۔

رپورٹ میں بتایا گیا کہ مذکورہ اداکار نے اس سے قبل بھی سب سے زیادہ ٹیکس ادا کیا تھا اور اس بار اکشے کو اعزاز کے طور پر سرٹیفکیٹ ”سمان پترا“ سے بھی نوازا گیا۔

معروف اداکار ان دنوں اپنی نئی فلم کی شوٹنگ کے لیے برطانیہ میں ہیں جس کی وجہ سے ان کی ٹیم نے ٹیکس ڈیپارٹمنٹ کی جانب سے دیا گیا سرٹیفکیٹ وصول کیا۔ مداحوں نے بھی اکشے کی خوب تعریف کی۔